انا مش فاكره ايام كتير لكن فاكره اننا رحنا كايرو فستيفال سيتى تالت يوم العيد غالبا و كان برضه يوم حلو و ان بعد العيد ابتدينا بروفات و عرضت السبت و الاحد اللى فات فى المهرجان القومى و بصراحه مش مبسوطه من عرض بس ...اهو احسن من مفيش :-) و يوم الاحد كانت اول مره اشوف سلام بيسقف و بالليل وقف لوحده فى سريره!!  لاتنين رحنا فيلم الفيل الازرق و بصراحه عجبنى صناعه الفيلم لكن المضمون خنقنى جدا لدرجه انى قعدت اعيط بعد الفيلم من الخنقه!! التلات كان عيد ميلاد زياد و زرنا يحيى صديقه ...نضفت و طبخت و عملت حلو كمان و طفينا التورته مع بابا و ماما فى غياب الاخوه لانهم كانوا مسافرين :-) و الاربع سلام حضر الليله ماكبث فى الهناجر ....و بس :-D ...مسحنا قوضة "لو" و انطلق امبارح ...بس برضه ما نمناش بدرى ....و طبعا ضله اللى هو انا فضل سهران معاه:-D و كمان قلقت بدرى!! جوايا هواجس كتير بس مش عارفه ليه فقدت القدره على الكلام! و الكتابه حتى لما زياد بيتكلم معايا بسكت و لو زعلانه بعيط و برضه بسكت! انا عندى حالة خرس نفسى اعرف ايه سببها!!!

العيد فرحه

النهارده غالبا الاتنين ...حاجه و عشرين يوليو و اول يوم عيد الفطر ...رمضان السنه دى قضيته نوم و فطار عند امى طول الشهر و يا دوب كنت بعمل عصير او احمر حاجه فى الاكتى فرى ...مرحتش و لا يوم تراويح و بالعافيه قريت 6 اجزاء و صلايت قيام كام مره فى البيت ..كنا بنصحىىيوميا على العصر اى تلاته ونص و يادوب اوضب او اغسل البزازات تبقى الساعه 6 نستعد للنزول و اتنح ل 9 اتفرج على سرايا عابدين و تخلص 10 و ربع اشوف رمضان جالك و ممكن اطلع بعدها او اتنح فى امبراطورية مين و اضيع وقت ل 12 لما سجن النسا تيجى و اطلع اتسحر مع زياد و نتفرج او اتفرج على السبع وصايا و اصلى الفجر و سلام ينام و انلم انا لما النور يطلع! التلفزيون السنه دى كان كله جرايم قتل و دعاره و سجون ... و الحاجه الوحيده اللى عملتها فى رمضان ... كنافه بالمانجه :-)  يعنى الشهر طار!...المهم زياد استلم العربيه الجمعه اللى فاتت الحمد لله:-) اخيرا ...يوبيييييى....خدنا لفه جمعه و عطلت السبت و صلحها و رحنا كاكاو فى جاردن سيتى شربنا كاكاو ساقع و جبنا كحك ملون بالملبن و استلم العربيه خدنا بيها لفه ...و امبارح انا انتخت ...و طبقت لحد صلاه العيد نزلنا صلينا دعاء و اسماء و بابا و زياد و سلام و انا و قابلنا خالو لطفى كمان ...اتصورنا و سلام لبس الجلباب الابيض و الطاقيه و فطرنا كحك و نمنا للساعه 5 !! صحينا رحنا زورنا حماتى العزيزه و طلعنا على كا فور ثم المنيل اتصدمنا باشكال غريبه فى السينما فمدخلناش و اكنا عند واحد اسمه سحس فى ظهر لارين سندوتشات وروحنا :-) يوم لطيف و كله مغامرات مع زيتونه زى ما زياد بيقول عليها ...اتبسطنا و برافو عليه عدى من حاجات صعبه كتير ...و دا كان اول عيد لسلام;-)

المرة دى كانت بنبى فعلا ..6 ايام فى عاصمه الفن ..المفروض ما يتنسوش ..خصوصا انى سبت فى اخرهم اهلى و جيت المنفى هنا ...هحاول افتكر :) بس اركز ..عملنا ايه فيهم
اصلا هجيب من قبل كدا بشويه
الجمعه 11 اخر يوم ليا فى المكتب ..كنت بدات الم حاجتى من يوم الجميس ..بصراحه اليوم ما كانش فيه شغل قوى ..بس كان يوم صعب عليا قوى ..يوم الخميس قعدت اعيط و انا بلم عزالى ..انا مش متخيله هعرف اعيش ازاى الكام شهر الجايين ..اول مرة احس باحساس اللى بيطلع على المعاش و بيسلم الشغل للى بعده ..احساس صعب فعلا ..عملوا لي احتفال صغير ..كارت و فلوس و كل الناس قالت كلام حلو ..ما عيطتش ..بس عيطت لما مشيت ..الجمعه حظر ..يعنى بنروح بدرى كمان ...هيوحشنى المكتب و الشغل بكل تفاصيلهم و قرفهم بجد ...روحت البيت محبطه جدا و طبعا عملت وصله حلوه بالليل و برضه طبعا ...كان صعب على زياد انه يستوعب احساسى ..هو حاول الصراحه ..بس الموضوع كان صعب :)

السبت 12 مش فاكره قوى ..خالص الصراحه ..بجد مش فاكره!ااه غالبا كنت المفروض اروح للدكتورة؟مش دا اللى رحنا فيه المتحف؟ااه افتكرت ..نزلنا من البيت رايحيين للدكتورة ..بس وليد كلمنى قالى ان كتب كتاب محمود النهارده ..كمان 20 دقيقه! رحنا للدكتورة على امل اننا نخلص بدرى ..بس كالعاده ..لاقينا نفسنا هنتلطع ..فنزلنا رحنا كتب الكتاب يا دوب لحقنا الصور بما ان الدنيا كانت زحمه و بعديها قعدنا نفكر نعمل ايه ..زياد اقترح المتحف الاسلامى و بوابه على ما اظن زويله ..بس بما انى ما كنتش هقدر اطلع فى اى حته ..رحنا المتحف بس ..بس طبعا لان الدنيا زحمه ..اتاخرنا فى المرواح و تعبنا على ما لاقينا حاجه ترجعنا المنيل ..المتحف كان لطيف :) و رجعنا المنيل فى سوزوكى :) اه و الله فى سوزوكى نبيتى كمان ..اتشعلقت فيها و ركبت باعافيه و الراجل طلع طيب و اخد تقريبا 20 ج ..ووصلنا للدكتورة كالعاده اتلطعنا برضه مفيش فايده ..خلصنا على 5 و شويه و طلعنا جرى على المهندسين عشان ميعاد دكتور العظام و الحمد لله دكتور شريف لغى معاده و خلاه الاحد ...دكتور العظم كالعاده هزائنى :) دا بقى الطبيعى الحقيقه ..و كتب لى اجازة و مشينا رحنا اتعشينا فى سبكترا ..انا حبيته خلاص ..كان حلو قوى و زياد كع حبه حلوين ..[س اتبسطت بجد ..و روحنا هلكانين طبعا ..

الاحد 13 ...اخر يوم شغل رسمى قبل السفر ..المهمه تكاد تكون مستحيله مش صعبه بس...لازم الاقى الفيزا :) رحت البنك الاهلى و زى ما توقعت ..ما لقتش حاجه و كنت معايا دعاء عشان اعمل لها توكيل ..بس برضه زى ما توقعت ما نفعش عشان مش معاها بطاقه ..ما عملناش اى حاجه مفيده و لا حتى غيرنا فلوس ..و خالو ما حطش ليش فلوس فى الحساب ..يعنى كله اتضرب ..قعدت اعيط ..و انا بضرب اخماس فى اسداس ..مفيش فلوس ..ومش عارفه هنسافر ازاى ..و الاوتيل ما اتدفعش! ..املى كله كان فى الفيزا ..الراجل اللى هيسلمها خرج بيها و بدات رحله البحث عن الراجل و رقم تليفونه ...و غيرت الفلوس اللى بابا كان مديهانى من سيتى بنك ..الله يخليه ..فلوسه هى اللى انقذت الموقف ..كالعاده هو و امى !المهم طلعت ب 800 يورو بالعافيه و اتهريت مكالمات للبحث عن عم اسلام اللى هيسلمنى الكارت ..لدرجه انى سالت عليه زميل له قابلته فى الشارع ..فين و فين الساعه 2 وصلت لعم اسلام و كان بارد جدا و قالى ما انا كنت هكلمك مان ساعتين! بجد برود لا يوصف ..المهم طلع مش جاى غير الساعه 5 ..نزلت وسط البلد ازود شنطه و اشوف تذكرة زياد هترجع و لالا ..بس الزحمه كانت قاتله ووصلت اير فرانس قبل ما يقفلوا ب 5 دقايق و طبعا ما عملتش اى حاجه ..قلت طيب اروح اجيب شنطه السفر ..بس برضه على ما وصلت كان لازم ارجع عشان عم اسلام و برضه ما جبتش حاجه! قابلت زياد فى ميدان ابراهيم باشا و كالعاده فشلت فى توقيف تاكسى ..بس بسم الله ما شاء الله هو عرف :) رحنا لاقنا عم اسلام تايه اصلا و جه بعدها بكتير و بصراحه كان نفسى اخنقه بجد!

الاتنين 14 : الواقفه ..و بحاول افتكر عملنا ايه :)

سكر البنات ..افتكرته بالصدفه و انا بدور على اغنية عبد الباسط حموده بتاعت مرايتى و لاقيت كلام اغنيه ..اكتشفت انها كانت عجبانى بجد بس ما كنتش عارفه الاقيها ..مش فاكرة الفيلم بس فاكرة انه طلع عنينا يومين بنحاول ندخله ..و انه كان ناعم و هادى و صورة حلوة ..بصراحه بفكر جديا انزله بس اول ما الاقى وقت ..بيتهيالى انه فيلم يستاهل نتفرج عليه تانى ..فكرنى شويه بحاله فيلم دنيا و حاله احلى الاوقات ..حاله بعشقها ..صورة رومانسيه ..بتوجع ...ناعمه و بتشوك من كتر نعومتها ...الكلمات اللى لاقتها ما فهمتش منها جزء كبير بس هكتبها و هحط الاغنيتين ..يمكن نفهمهم مع بعض ..هه

مرايتي يامرايتي..رح احكي لك حكايتي..قولي لي انا مين..؟
انتي انا وانا انتي ..مهما كبرتي واتغيرتي بعيوني انتي الستي يامرايتي
رح احكي لك حكايتي قولي لي انو انا احلى وحده فيهن
انعم وحده فيهن شوفيني وماتشوفيهن..يامرايتي
رح احكي لك حكايتك قولي لي انا ليه..
شعري مانو اشقر .. خصري منو اصغر وتمي منو اكبر
يامرايتي رح احكي لك حكايتي
قولي لي انا كيف
بدى قص الغره قولك حلوه الحمراء مع فستان السهره يامرايتي...

*********************************************

عجقة سير وسيارات وصوت سكاربينات....

وإيدين تغني فيهن سكر يا بنات

هالكحل اللي بعينيهن وهالشفاف السمر

عم تبوس بإيديهن هالأقلام الحمر

جاية هدية حبيبك على جنح الطير...

باعتلك نسمة تجيبك بعجقة هالسير....

باعتلك نسمة تشيلك فوق هالطرقات

عجقة سير وسيارات وصوت سكاربينات

وإيدين تغني فيهن سكر يا بنات... سكر يا بنات

اسبوع ..متعب ..مر بسرعه جدا ..بس بجد باشفق عليه ...لأن الاجازة فجأة بتتحول لحاجه كلها تعب ..سينما كتيير ..و سفر و مشى فى الشمس و بسرعه بسرعه عشان نفتكر عشان الايام الكويسه فى حياتنا قليله هااااااا ..قصدى قليل لما بنفتكرها

الاحد : اجازة منزليه ..الميه قاطعه فى شارع الهرم ..هه

الاتنين : سينما ..كباريه ..كان حلو بجد و حسيت ان فى مشاهد واقعيه جدا لدرجه انى صدقتها و حسيتها بجد ..ثم بعد الكباريه رحنا للدكتور ..ثم قابلنا ماجد ..و عزمنا على مكرونه من عند بابا عبده ثم دلخنا السينما (اوديون) حفلة الساعة 12 وواضح ان الراجل اللى بيشغل الافلام كان بينام ..اخر الليل بقى ..و خلاه كل الناس افتكرت انها هى اللى مسطوله ..لانه شغل فيلم اجنبى بدل الفيلم العربى و فضلنا متنحين و مش فاهمين و بعدين لما الافندم و ماجد و كام واحد كدا اتحركم ..اتكتشفنا ان السينما كلها كانت مستسلمه و هتتفرج على اى حاجه ..و ان مش احنا اللى غلطنا و دخلنا فيلم تانى ..هه ..حاله لا مبالاه غريبه ..و الفلم كان ..ظريف ..اكتوبرررر يا اسطى ؟؟

التلات :اكسييد ..استقلت بعد 3 اسابيع ..اول مرة اكتب استقاله هه ..و بعدين نزلنا سوق السيراميك بس كنا مقتولين ثم نزلنا وسط البلد و ماك كان زحمة طحن و على ما اتذكر اننا روحنا بدرى يومها

الاربع : موقف اسكندريه و الاورق اللى مش راضى يخلص ..المرة دى الموضف المختص كان غايب هه ..و اكلنا ..مشكلتى فى اسكندريه فى الاسامى ..مش عارفه اسامى حاجه ..بس اكلنا فى مكان ظريف ..شوربه و سلطه و رز و فطيرة شاورمه ..و بعدين شربنا قهوة و لاتيه فى البن البرازيلى ..و تناسق الوان فظيع فى الارضيه ..مع تى شيرتات البرازيل ..هه ..ثم رحنا سينما ..اللى برضه مش عارفه اسمها و رجعنا فجأة كدا 10 سنين لورا ..جو السينما كان اشبه فعلا بسينمات وسط البلد قبل التجديد و الناس كلهم كانوا برضوا اشبه بزباين سينمات وسط البلد قبل التجيد و شفنا موبايل اريكسون من اللى انقرضوا و صبحان من يحيى العظام و هى رميم ..الموبايل كان بيطلب و يستقبل !!هه ..اما الفيلم ..فكان بيستهبل و الاطفال مسؤليه ذويهم و الريس عمر حرب غير مسؤل عنهم ..و قد اعذر من انذر..خلصت السينما و فضل البحر و عزة و الغروب و مافيا اتفضل يا باشا ..و كراسى تكفى مشجعين الزمالك فى يوم ماتش الاهلى و الزمالك ( طبعا ما قلتش مشجعين الاهلى لان عددهم اكتر بكتير من الكراسى اللى كانت محطوطه هاا) و بعدين الموقف و اتوبيسات غرب الدلتا ..اسواء حاجه ممكن بنى ادم يركبها بجد ..الاتوبيس اتملى دخان فى نص السكه و نشف دمنا لاننا افتكرناه ولع ..و الحمد لله جات سليمه ووصلنا بالسلامه و توبه من دى النوبه يا غرب الدلتا

الخميس ..البرتقاله ..اورنج ..10 دقايق بالظبط ..الست ما رضيتش تاخد الورق ..ثم سيتى ستارز و اتحسرت على اللحاف ابو الف و مش عارفه كام ريال ..يا عم ما قلنا لك الف مرة ..شجع صناعة بلدك ..و محلات بلدك ..و سيتى ستارز بلدك ..لان بلدك طلعت ارخص ..حتى و هى بتسرقك ..تصدق بقى ؟؟؟ و بعدين اشتريت لبس و رحنا الفجاله و سيراميك سيراميك و محل مش فاكرة اسمه ..شوربه و فته و لحمة راس ..فظيعه ..قلبت بطننا احنا الاتنين ....بعدين نزلنا غالبا على وسط البلد ..بس يا ترى عملنا ايه ؟؟ بصراحه مش فاكرة غير السرير ..و خخخخ

الجمعه ..اجازة بقى ..مغلق للتحسينات و بالليل ما كانش يوم لطيف اطلاقا ..طلاقا ..مطلقا ..هه ..و يا رب بقى نعرف ناخد مقاسات الشقه المعفرته دى..كان المفروض رسميا انه اخر يوم فى الاجازة بس الورق

السبت ..مكتب العمل قافل و مكن البنك الاهلى كله عطلان ..بس الحمد لله السينما شغاله و الامريكين لسه ما قفلش ..الجو كان ملبد بالغيوم ..و الايس كريم كان تمام ..بس الافندم شربه ميلك شيك ..و الفيلم كان لطيف و اندى ظريف ظريف و كوكب ال..مش عارفه ايه ..ثم روحنا و ماما غدتنا و بسرعه على الزمالك ..جزم ..بالوان الطيف ...هه..و بعدين رحنا السينما كلايت مش عارفه كام مرة و نمسس بوند ..يالله ..كام افيه جامد ..صحكنا عليهم بجد و غير كدا كان نفسى امشى من قبل الاستراحه من الملل ..الفيلم طوييييل ...و روحنا ..و توته توته خلصت الاجازة ..حلوة و لا ملتوته ؟؟

اممممممم ..طيب ...و بعدين ؟؟ يعنى و بعدين يعنى ..نخرج من السواد اللى اتهريت تنبيط و تريقه عليه من اكتر من سنه و نص ..صعبان عليا ..بس ..اكيد عمرى ما هسيب الاصل ..انا بس عامله البلوج دا ترويش ...مش اكتر ..هههههههه ..يالله بقى ..بنبى بنبى بنبى بنبى ..يعععععععع..بنبى ..و ربنا يجعل ايامنا كلها بنبى ..على ابيض